Letras:Sal da Vinci. I' Te Vurria Vasà.

:
Ah! Che bell'aria fresca...
Ch'addore 'e malvarosa...
E tu durmenno staje,
'ncopp'a sti ffronne 'e rosa!

'O sole, a poco a poco,
pe' stu ciardino sponta...
'o viento passa e vasa
stu ricciulillo 'nfronte!

Rit.I' te vurria vasa...
I' te vurria vasa...
ma 'o core nun mm''o ddice
'e te sceta...
'e te sceta!...

I' mme vurria addurmi...
I' mme vurria addurmi...
vicino o sciato tujo,
n'ora pur'i'...
n'ora pur'i'!...

Tu duorme oje Rosa mia...
e duorme a suonno chino,
mentr'io guardo, 'ncantato,
stu musso curallino...

E chesti ccarne fresche,
e chesti ttrezze nere,
mme mettono, 'int''o core,
mille male penziere!

Rit.I' te vurria vasa...
I' te vurria vasa...
ma 'o core nun mm''o ddice
'e te sceta...
'e te sceta!...

I' mme vurria addurmi...
I' mme vurria addurmi...
vicino o sciato tujo,
n'ora pur'i'...
n'ora pur'i'!...

Sento stu core tujo
ca sbatte comm'a ll'onne!
Durmenno, angelo mio,
chisa tu a chi te suonne...

'A gelusia turmenta
stu core mio malato:
Te suonne a me?...Dimmello!
O pure suonne a n'ato?

Rit.I' te vurria vasa...
I' te vurria vasa...
ma 'o core nun mm''o ddice
'e te sceta...
'e te sceta!...

I' mme vurria addurmi...
I' mme vurria addurmi...
vicino o sciato tujo,
n'ora pur'i'...
n'ora pur'i'!...

(Grazie a Marilisa per questo testo)