Letras:Davide Van De Sfroos. Laiv (Cd 2). Poor' Italia.

E i sann tutt luur, e i fann tutt luur,
baloss e canaja, barbuni, dutuur,
sistemen el mund
intant ch'inn dree a mangia,
diventen gentil
quand i troven de ciula.
Sempru incazzaa cun la facia verda,
sempru prunt a vend anca la merda,
sempru prunt a fa' la roba giusta
e po de dree g'hann sempru scia la frusta.

Vann in Tailandia in lecc cui tusanett
e pichen la sua perche fuma i sigarett...

E disen poor Italia, poor Italia
e disen poor Italia, poor Italia
e disen poor Italia, poor Italia, poor Italia, poor Italia
prunta una cruus per chi che sbaglia...

Prunt a spara a chi prova a fa' quaicoss
apena gh'e un prublema
la buten in del foss
apena levaa so se caghen adoss
l'e la filusofia per creed de vess baloss.

I se scandalizen perche gh'e la guera,
i buten gio i fioo'n de la rudera,
te varden crepa cun scia na cinepresa
e po se scunden tucc dent in gesa.

I hann rubaa tutt quel che gh'era de ruba
i hann metuu in galera e i han tacaa a caragna...

rit.

Se va ma' quaicoss
ghe l'han col guernu,
Se va ma' tutcoss
ghe l'hann cul Padreterno,
se'l fa cold i voren l'invernu
se'l fa frecc chi vaghen al'infernu,
voren la calma e fann duma casott
crumpen tutcoss
e ghe va mai ben nagott,
disen che lur ciapen urdin de nisson
e fann tutt quell
che g'hann di in television.

Pasen la vita a pisaa cuntra'l veent
perche l'impurtant l'e mai vess cuntent.

rit.
Sempru in prima fila
quand finiss la bataglia...